Գիտնականները նիհարեցնող մաստակ կստեղծեն

Սիրակուզայի համալսարանի գիտնականները փորձում են ստեղծել մի այնպիսի մաստակ, որը կօգնի ազատվել ավելորդ քաշից:
Գիտնականների խմբի ղեկավար, քիմիկոս Ռոբերտ Դոյլը հայտարարել է, որ կուշտ լինելու զգացողություն պարգևող հորմոնը կարելի է հասցնել արյանը բերանի միջոցով:

Ինչպես տեղեկացնում է The Hindustan Times պարբերականը, խոսքը PYY հորմոնի մասին է, որը կարգավորում է ախորժակը և օրգանիզմում էներգետիկ նյութափոխանակությունը: Երբ մարդիկ պարապում են, կամ ուտում` PYY-ը դուրս է մտնում է արյան մեջ և դրա ծավալն ավելանում է օգտագործված կալորիաների քանակին համընթաց:

Ավելի վաղ ապացուցվել էր, որ PYY հորմոնի պարունակությունը քիչ է ավելորդ քաշից տառապողների արյան մեջ, անկախ այն բանից՝ քաղցած են, թե կուշտ:

Հայտնի է նաև, որ մինչ օրս բերանով հորմոնների ներարկումը աննպատակ էր, այն կամ քայքայվում է ստամոքսում, կամ էլ աղիքից դժվարությամբ հասնում է դեպի արյուն: Այդ պատճառով էլ գիտնականների խնդիրն էր «քողարկել» PYY հորմոնը, որպեսզի այն նորմալ կարողանա անցնել մարսողական տրակտի միջոցով: Դոյլը մշակել է մեթոդ`ինչպես օգտագործել վիտամին B12-ը, որպեսզի այն բերանի միջոցով օրգանիզմ տեղափոխի ինսուլին: Արդյունքում, B12-ը կարողացել է անցնել մասողական տրակտով`իսուլինը և այլ նյութերը հասցնելով արյուն:

Այս կերպ հետազոտողները վարվեցին նաև PYY հորմոնի դեպքում՝ վիտամինի օգնությամբ այն ներարկելով արյան մեջ: Մոտ ժամանակներս նրանք պատրաստվում են միացությունն օգտագործել մաստակի բաղադրության մեջ:

Հարցեր, պատասխաններ, մեկնաբանություններ